Lënda e Dizajnit të Reklamave kombinon mendjen krijuese dhe mendjen logjike në një formë inovative komunikimi që realizon reklamat televizive që nuk mund të harrojmë, tabelat që na intrigojnë, spot imponues radio që na vënë në lëvizje, reklamat e shtypura dhe shumë më tepër forma të komunikimit publik. Kjo lëndë përfshin probleme dy dhe tre dimensionale që lidhen me komunikimin grafik. Ajo përfshin konceptimin, vizualizimin dhe mekanikën e perceptimit të artit për riprodhim, mjeshtëri dhe rritje si nga pikpamja e punës, ashtu dhe nga vlerësimi i publikut. Strategjitë e dizajnit, skicat, dizajni para shtypjes dhe punimet e ndihmuara në kompjuter, prezantimi i dizajneve. Lëmda do të përqendrohet në ofrimin e një iniciativë informuese për disiplinën e komunikimit grafik. Përfshin demonstrimin e teknikave tradicionale si dhe atyre digjitale. Kjo lëndë do të udhëzojë studentët në aftësitë e dizajnit grafik që përdorin mjete, materiale dhe procedura të përdorura në fushën e artit të komunikimit. Studimi i parimeve dhe koncepteve të paraqitjes dhe dizajnit, siç aplikohet në një larmi detyrash lidhur me reklamimin dhe dizajnin grafik: reklama, broshura, logot, shkresa, postera, dhe materiale për promovimin e shitjeve, etj.

• Prezantimi i botës së reklamave në një kontekst social dhe artistiko-historik me projekte pragmatike dhe qasje bashkëkohore, përfshirë terminologjinë dhe parimet e reklamimit. • Eksplorimi i strukturave dhe metodave formale të hulumtimit në zhvillimin e strategjive sociale të përgjegjshme dhe efektive për komunikimin reklamues. • Analiza e praktikës dhe të menduarit konceptual si detyrat e para të projektuesit, të kombinuara me aftësinë për të prodhuar një komunikim efektiv dhe të paharrueshëm në një mënyrë të përgjegjshme shoqërore. • Theksi do të jetë në dizajn, por ajo që thotë një reklamë është ajo që është me të vërtetë e rëndësishme, dhe sa mirë duket ajo ka rol dytësor për mënyrën se si shet. • Studenti duhet të zhvillojë aftësinë për të përcjellë një pjesë të caktuar informacioni para audiencës së dëshiruar bazuar në të kuptuarit e tyre të mëparshëm.