Metodat e Avancuara Kërkimore I është një lëndë që u ofron studentëve aftësitë dhe njohuritë themelore të nevojshme për të kryer kërkim në shkencat shoqërore. Lënda është dizajnuar për t'i prezantuar studentët me logjikën e metodave të kërkimit në shkencat shoqërore dhe t'i përgatisë ata për të shkruar punët e tyre kërkimore. Lënda fokusohet në konceptimin dhe procesin e kërkimit, nga identifikimi dhe gjenerimi i ideve kërkimore, tek formulimi i qëllimit dhe objektivave si dhe tek zhvillimi i pyetjeve kërkimore, rishikimi i literaturës, mbledhja e të dhënave, analiza e përmbajtjes, shkrimi i një punimi dhe shpërndarja e rezultateve. Lënda, gjithashtu, fokusohet mbi metedologjinë e hulumtimit, në natyrën e kërkimit cilësor dhe sasior, si dhe filozofitë që qëndrojnë në themel të tyre dhe tregon se si ato mund të jenë plotësuese të njëra-tjetrës në prodhimin e njohurive. Metodat e Avancuara Kërkimore I do të hedh dritë edhe mbi çështjet etike të kërkimit shkencor, por edhe mbi domosdoshmërinë dhe mnëyrat për t'i shmangur ato.

Kursi është strukturuar në mënyrë që studentët: - Të kuptojnë natyrën e kërkimit, metodat e kërkimit, hapat dhe proceset e kërkimit dhe të identifikojë parimet, termat, llojet dhe konceptet e kërkimit - Të fitojnë përvojë në hartimin e projekteve të qenësishme kërkimore në fushat e shkencave sociale - Të zhvillojnë aftësi praktike në mbledhjen, analizën dhe interpretimin e të dhënave - Të marrin parasysh etikën që lidhet me implementimin e kërkimit shkencor