Metodat e Avancuara Kërkimore II është një lëndë që u ofron studentëve aftësi dhe njohuri të thelluara mbi kërkimin shkencor në shkencat shoqërore. Lënda është dienjuar për t'i aftësuar studentët për të përdorur logjikën e metodave të kërkimit në shkencat shoqërore dhe t'i përgatisë ata për të shkruar punët e tyre kërkimore. Lënda fokusohet në konceptimin dhe procesin e kërkimit, nga identifikimi dhe gjenerimi i ideve kërkimore, tek formulimi i qëllimit dhe objektivave si dhe tek zhvillimi i pyetjeve kërkimore, rishikimi i literaturës, mbledhja e të dhënave, analiza e përmbajtjes, shkrimi i një punimi dhe shpërndarja e rezultateve. Lënda, gjithashtu, fokusohet mbi metedologjinë e hulumtimit, në natyrën e kërkimit cilësor dhe sasior, si dhe filozofitë që qëndrojnë në themel të tyre dhe tregon se si ato mund të jenë plotësuese të njëra-tjetrës në prodhimin e njohurive. Metodat e Avancuara Kërkimore II do të hedh dritë edhe mbi çështjet etike të kërkimit shkencor, por edhe mbi domosdoshmërinë dhe mënyrat për t'i shmangur ato.

Kursi është strukturuar në mënyrë që studentët: - Të kuptojnë natyrën e kërkimit, hapat dhe proceset e kërkimit shkencor - Të identifikojnë parimet, termat, llojet dhe konceptet e kërkimit - Të formulojnë pyetje/hipoteza adekuate kërkimore etj në shkencat shoqërore - Të mësojnë si të qëmtojë në mënyrë kritike literaturën për një teme të caktuar kërkimore brenda kornizës teorike - Të përdorin në mënyrë adekuate metodat dhe qasjet sasiore, cilësore, të përzier - Të përcaktojnë dhe të përdorin instrumentet e projektimit të kampionimit dhe mbledhjes së të dhënave si: Pyetësori, Intervista, Vëzhgimi, Diskutimet në Fokus Grupet etj. - Të citojnë dhe referojnë në mënyrë korrekte dhe të duhut (brenda dhe jashtë tekstit) duke përfshirë listën e referencave dhe burimeve. - Të diskutojnë rezultatet që i lidhin ato me objektivat e kërkimit, pyetjet/hipotezat dhe literaturën - Të shkruajnë një përmbledhje, përfundim, diskutim dhe rekomandime