Kjo është pjesa e parë e një lënde që studiohet në katër semestre. Në krye do të bëhet një prezantim i përgjithshëm i shkencës së Texhvidit dhe më pas do të kalohet në praktikimin e saj. Synimi kryesor i kësaj lënde është të fitohet aftësia për të lexuar Kur’anin Famëlartë në përshtatshmëri me veçoritë e tij fonetike dhe me rregullat e texhvidit. Për këtë do të zhvillohen diskutime të ndryshme javore në lidhje me rregullat e texhvidit dhe praktikimin e tyre të drejtë. Gjithashtu çdo javë do bëhet praktikë në lexim dhe memorizim të disa pjesëve të ndryshme të Kur’anit, ku synohet që brenda semestrit të përfundohet gjysma e dytë e xhuzit të 30. Këto praktika do ti përftojnë studentit aftësi në leximin e drejtë dhe përmendësh të tekstit hyjnor.

Të trija format e zhvillimit të kësaj lënde me lexim, memorizim dhe shpjegim i temave të texhvidit, synojnë leximin në një mënyrë sa më të saktë të Kur’anit në gjuhën e tij origjinale. Gjithashu synohet pasurimi i pemës së pjesëve përmendësh të Kur’anit për secilin student, duke e plotësuar nevojat e studentëve në këtë këndvështrim.