Kjo është pjesa e dytë e një lënde që studiohet në katër semestre. Synimi kryesor i kësaj lënde është të fitohet aftësia për të lexuar Kur’anin Famëlartë në përshtatshmëri me veçoritë e tij fonetike dhe me rregullat e texhvidit. Nuk do të mungojnë edhe studimet e diskutimet e thella në lidhje me rregullat e texhvidit, në mënyrë që të arrihet e përsosura në këtë shkencë. Gjithashtu çdo javë do bëhet praktikë në lexim dhe memorizim të disa pjesëve të ndryshme të Kur’anit, ku synohet që brenda semestrave të përfundohet gjysma e parë dhe e dyte e xhuzit të 30. Gjatë kësaj lënde do t’i përkushtohet në gradë të parë mësimit përmendësh e në gradë të dytë leximit. Këto praktika do ti perfeksionojnë studentit aftësitë në leximin e drejtë të tekstit hyjnor dhe do të shtojnë sasinë e sureve të memorizuara.

Studentët do të fitojnë njohuri mbi rolin e rregullave të Texhvidit në leximin e saktë të Kuranit. Studentët do të fitojnë aftësinë e nevojshme për të klasifikuar, analizuar dhe vlerësuar njohuritë mbi rregullat e Texhvidit në leximet e tyre. Studentët do të jenë në gjendje të zbatojnë njohuritë e marra rreth rregullave të Texhvidit në leximet si dhe këndimin e Kuranit nga kujtesa.