Në një bote ku rëndësia e politikës është gjithmonë në rritje, ngrihen natyrshëm shumë pyetje që kërkojnë përgjigje. Në ditët e sotme, politika është bërë një pjesë e paevitueshme e jetës së individit, duke e bërë pothuajse të pamundur mungesën e konfliktit midis te drejtave të njeriut dhe vendimeve kolektive. Përgjigja ndaj këtyre pyetjeve dhe studimi i gjithanshëm i kësaj shkence, vjen në ditët e sotme si një domosdoshmëri jo vetëm për studentët e saj dhe studentët e shkencave të komunikimit në kuadër të formimit të tyre të përgjithshëm, por edhe për cdo individ pjesëmarrës të natyrshëm në jetën politike të një vendi. Në këtë kontekst, ky kurs synon t’i japë përgjigje këtyre pyetjeve duke studiuar cështjet kryesore të politikës në të gjithë nivelet: individë, grupe interesi, cështje kombëtare dhe ndërkombëtare. Kursi është hartuar në mënyrë që të ofrojë njohuritë përkatëse, si për studentët të cilët synojnë të vazhdojnë studimet në këtë shkencë, ashtu edhe për ata studentë të cilët janë të interesuar të fitojnë njohuri më të plota rreth botës së politikës.

Ky kurs, synon t’i njohë studentët me fjalorin bazë të kësaj shkence dhe në mënyrë të vecantë me konceptet bazë të politikës; me institucionet e shtetit dhe organizatat joqeveritare; ideologjite dhe sistemet politike; demokracinë dhe modelet e ndryshme të qeverive demkratike; mënyrën si veprojnë aktorët politike dhe si formohen preferencat politike dhe grupet e interesit;sistemet zgjedhore dhe menyrën sesi këto të fundit formojnë sjelljen e aktorëve politikë; marrëdhëniët ndërkombëtare dhe të drejtat e njeriut. Në fund të këtij kursi, studentët do të jenë të mirinformuar mbi strukturën e politikës,konceptet baze dhe natyrën e saj, shtetin e qeverinë dhe sjelljen e aktorëve politikë në kohët moderne.