Ekzekutimi i vendimeve penale ka për qëllim të shpjegojë, teorikisht dhe praktikisht procedurat e vënies në zbatim të vendimeve gjyqësore penale sipas llojeve te tyre. Studentëve do t’u shpjegohet mënyrat e ekzekutimit të vendimit penal, urdhri i ekzekutimit si instrument kryesor për vënien në ekzekutim. Gjithashtu do të trajtohet mënyrat e vënies në ekzekutim të dënimeve alternative, shkaqet e shuarjes së ekzekutimit të dënimit, procedura e ekzekutimit të dënimeve me gjobë. Do të trajtohen kërkesat që lidhen me fazën e ekzekutimit të vendimit penal, rastet e shtyrjes së ekzekutimit të vendimit. Gjithashtu do të trajtohen mënyrat e bashkimit të dënimeve, teoritë dhe sistemet e dënimit. Një rëndësi të veçantë do tu kushtohet dhe legjislacionit ndërkombëtar që rregullon ekzekutimin e vendimeve, siç është rasti i mbikëqyrjes së personave të dënuar ose të liruar me kusht të rregulluar nga Konventa Evropiane për mbikëqyrjen e personave të dënuar ose të liruar me kusht. Gjithashtu do të shpjegohet dhe parashikimet e ekzekutimit të vendimit penal sipas Konventës Evropiane mbi vlefshmërinë ndërkombëtare të gjykimeve penale.

Ky kurs synon që studentët: 1. të kuptojnë fazën e ekzekutimit të vendimit penal, 2. ekzekutimin e vendimeve penale, 3. organet kompetente pjesëmarrëse në ekzekutimin e vendimeve penale, 4. kërkesat e të dënuarit gjatë fazës së ekzekutimit të vendimit penal, 5. mënyrat e vënies në zbatim të llojeve të ndryshme të dënimit, 6. legjislacioni ndërkombëtar mbi ekzekutimin dhe vlefshmërinë e vendimeve penale të huaja.