Lënda “E Drejta e arbitrazhit” luan një rol të rëndësishëm në formimin e juristëve që janë të fokusuar në aspektin ndërkombëtar të procedurave gjyqësore dhe të arbitrazhit. Lënda është konceptuar të trajtojë temat më kryesore në këtë fushë kaq të gjerë. Fillimisht, lënda do japë një shpjegim të përgjithshëm të koncepteve të përdorura, duke u ndalur më tej në përkufizimet dhe në fushën e veprimit të procedurave gjyqësore dhe të arbitrazhit. Më tej, lënda do të ezaurojë të gjitha llojet e procedurave që aplikohen në Gjykatat Ndërkombëtare të Arbitrazhit si Gjykata e Arbitrazhit në Dhomën Ndërkombëtare të Tregtisë,Gjykata e Arbitrazhit Ndërkombëtar në Londër, në Hong Kong, në Organizatën Ndërkombëtare të Pronësisë Intelekualeetj. Krahas këtyre, lënda do të merret me hartimin e marrëveshjes së arbitrazhit, ligjin e zbatueshëm dhe me njohjen e vendimeve të huaja në gjykatat kombëtare. Gjithashtu, kursi do të japë njohuri specifike mbi analizimin e natyrës dhe efekteve tё kontratёs sё arbitrazhit, adresimin e çёshtjeve si pёrcaktimi, kontestimi dhe shkarkimi si dhe detyrimet dhe tё drejtat e arbitrave, palёve nё mosmarrёveshje dhe institucioneve tё arbitrazhit. Gjithashtu kursi, do te fokusohet edhe ne ligjin per arbitrazhin miratuar së fundmi nga Parlamenti i Shqipërise.

Ky kurs synon: - T’i njohë studentët me konceptet e arbitrazhit ndërkombëtar si dhe të procedurave gjyqësore ndërkombëtare. - T’i njohë studentët me mënyrën e hartimit të kontratës së arbitrazhit si dhe me termat e përdoruranëtë. - T’u mundësojë studentëve njohuri në përcaktimin e ligjit të zbatueshëm në rastet e zgjidhjes së një konflikti me anë të procedurave të arbitrazhit si dhe të shpjegojë njohjen dhe ekzekutimin e vendimeve të huaja në vend. - Të ekzaminojë marrëveshjen e arbitrazhit nga një persektive e ligjit të arbitrazhit dhe e praktikës duke hedhur dritë mbi juridiksione të ndryshme në Afrikë, Azi, Europë dhe në Amerikën e Jugut. - Të shpjegojë rëndësinë e zbatimit të procedurave të arbitrazhit ndërkombëtar. - Të shpjegojë procedurat që ndiqen në Gjykatat Ndërkombëtare të Arbitrazhit si ajo e Dhomës Ndërkombëtare të Tregtisë, në Hong Kong, Londër etj. - Të zhvillojë tek studentët mendimin kritik në analizimin e çështjeve të arbitrazhit ndërkombëtar. - Të njohë studentët me disa nga rastet konkrete të kompanive shqiptare në Gjykatat Ndërkombëtare të Arbitrazhit.