Kursi është projektuar që të ekspozojë një informacion të përgjithshëm të metodave kërkimore që përdoren në kërkimin bashkëkohor social. Kursi i dedikohet elementeve të kërkimit social të cilat përfshinë: formulimi i koncepteve dhe teorive; hartimi i pyetjeve kërkimore; mbledhja e të dhënave; analiza e të dhënave; rishikimi i literaturës; dhe shkrimi i konkluzioneve. Për më tepër, ne do të konsiderojmë përdorimin praktik të kërkimit në fushën e ligjit dhe do të shqyrtojmë etikën e kërkimit në fushën sociale. Qëllimi kryesor i kursit është që të përgatisë studentët, të cilët fillojnë karierën në fushën e ligjit, me njohuritë bazë për të kryer kërkim shkencor për aspekte ligjore dhe jo ligjore. Gjatë zhvillimit të kursit do të analizohet një projekt, me 2000 fjalë, dhe do t’i jepet përgjigje e detajuar pyetjeve të tilla si: • është ky një shëmbull i një projekti të zhvilluar mjaftueshëm në fushën e ligjit? • është ky një shëmbull i shkëlqyer për një projekt në fushën e ligjit? Në fund të semestrit studentët do të jenë në gjëndje të dallojnë burimet primare dhe burimet sekondare, të përdorin me efektivitet teknika të ndryshme të kërkimit, dhe të zhvillojnë më tej aftësitë për kërkim shkencor në fushën sociale. Kursi do t’i ndihmojë studentët në hartimin e propozimeve kërkimore duke synuar në përgatitjen e tyre për procesin e disertacionit.

Kursi projektohet për të arritur objektivat e mëposhtme: • Së pari, të zhvillojë tek studentët njohuritë bazë se si të kryejnë, me kapacitetin e tyre, një kërkim shkencor. • Së dyti, të zhvillojë tek studentët teknika dhe strategji efektive për kërkimin në fushën e ligjit. • Së treti, të zhvillojë tek studentët aftësinë e të gjykuarit se si të zgjedhin dhe vlersojnë metoda të ndryshme kërkimore. • Së katërti, të zotërojnë kompetencë të mjaftueshme (a) për të lexuar në mënyrë kritike një ese kërkimore (b) për të vlersuar në mënyrë kritike punimet shkencore (c) për të vlersuar cilësisht punimet në fushën e ligjit që ekspozohen në media. • Së fundmi, të zhvillojë tek studentët aftësinë për të punuar në ekip gjatë kërkimit shkencor.