Lënda “E Drejtë Ndërkombëtare Publike II” trajton të drejtat e pakicave kombëtare sipas të drejtës ndërkombëtare, mjetet gjyqësore për zgjidhjen e mosmarrëveshjeve ndërkombëtare, analizon të drejtën ndërkombëtare të detit, ndryshimet territoriale, si dhe kuptimin, llojet e veçoritë e marrëveshjeve juridike ndërkombëtare. Gjithashtu lënda elaboron të drejtën ndërkombëtare humanitare, institucionet e specializuara ndërkombëtare, të drejtën diplomatike e konsullore, të drejtat e mjedisit, të drejtat e refugjatëve, krimet ndërkombëtare si dhe të drejtën e vetëvendosjes. Në përmbajtjen e lëndës bën pjesë edhe përdorimi i lejuar juridik i forcës në arenën ndërkombëtare, në shërbim të sigurisë e paqes ndërkombëtare.

Objektivat e lëndës “E Drejtë Ndërkombëtare Publike II” janë që t’u ofrojë studentëve thellim dhe zgjerim të njohurive mbi të Drejtën Ndërkombëtare Publike II (mbi institutet, institucionet, qëllimin, burimet, zgjidhjen e mosmarrëveshjeve ndërkombëtare, etj). Gjithashtu objektiv është që t’i mësoje dhe edukojë ata në zgjidhjen e problemeve në mënyrë paqësore.