Lënda “E Drejtë e Punës dhe Sigurimeve Shoqërore II” trajton të drejtën e grevës dhe zgjidhjen e konfliktet kolektive të punës, analizon kuptimin, objektin, subjektet, parimet dhe veçoritë e sigurimeve shoqërore dhe shëndetësore. Gjithashtu lënda elaboron kontratat, Fondin dhe skemat e sigurimeve shoqërore, si dhe analizon drejtimin dhe administraimin e Sigurimeve Shoqërore e Shëndetësore në Republikën e Shqipërisë, etj.

Objektivat e studimit të lëndës “E drejtë e Punës dhe Sigurimeve Shoqërore II”, lidhur me studentët janë si më poshtë: 1)Të njohin, shpjegojnë dhe analizojnë konceptet, burimet dhe zhvillimet e reja rreth të drejtës së punës dhe Sigurimeve Shoqërore e Shëndetësore. 2)Të mësojnë si mbrohen marrëdhëniet juridike të punës dhe Sigurimet Shoqërore e Shëndetësore në një shtet të së drejtës dhe demokratik. 3)Të kuptojnë objektin, subjektet, parimet dhe veçoritë e sigurimeve shoqërore e shëndetësore në Shqipëri. 4)Të përvetësojnë të drejtat dhe detyrimet që rrjedhin nga Sigurimet Shoqërore dhe Shëndetësore. 5)Të zotërojnë njohuritë rreth institucioneve që ndihmojnë në zgjidhjen e mosmarrëveshjeve që lidhen me zgjidhjen e konfliktet kolektive të punës dhe Institutin e Sigurimeve Shoqërore. 6)Përvetësimi i të lëndës “E drejtë e Punës dhe Sigurimeve Shoqërore II” i ndihmon studentët që të jenë njohës dhe jurist të aftë në të ardhmen, ku të mund të kontribuojnë dhe të punojnë për zhvillimin e mëtejshëm të kësaj lënde jo vetëm në aspektin teorik, por edhe në interpretimin dhe zbatimin e saj praktik, në zgjidhjen me sukses të problemeve të shumëllojshme që mund të lindin në këtë fushë të së drejtës.