Mjekësia ligjore është lënda mësimore e cila e studion njeriun në raportet e tij me të drejtën. Ajo merret me studimin, përpunimin dhe zgjidhjen e çështjeve me karakter mjekësor e biologjikqë hasen ne praktikën hetimore e gjyqësore. Analiza e përcaktime të hollësishme bëhen për objektin e ekspertimit mjekoligjor, procesin e vdekjes dhe ndryshimet qe i ndodhin trupit pas vdekjes, mënyren e zhvillimit të ekspertimit mjekoligjor të kufomës duke përfshirë këqyrjen, autopsinë, zhvarrimin, të dhëna të përgjithshme në lidhje me traumatologjinë dhe traumat komplekse, asfiksite mekanike, toksikologjine mjekoligjore, ekspertimin mjekologjor në rastet e krimeve seksuale, identifikimin e provave materiale dhe të individëve si dhe veprat penale kundër shëndetit dhe përgjegjësinë ligjore të personelit shëndetësor në këto raste. Programi për leksione të caktuara parashikon seminare teoriko-praktike, në të cilat diskutohen temat me të prekura në fushën e ekspertimit mjekoligjor.

1. Përvetësimi i njohurive bazë në fushën e mjekesise ligjore dhe kriminalistikës; 2. Klasifikimi i dëmtimeve trupore në bazë të mjeteve apo mekanizmit të shkaktimit të tyre; 3. Të njohë konceptet themelore dhe të bëjë dallimin midis dëmtimeve gjatë jetës dhe pas vdekjes; 4. Zbulimi, Fiksimi, Marrja dhe ekzaminimi i gjurmëve me natyrë biologjike; 5. Zbulimi, Fiksimi, Marrja dhe ekzaminimi i gjurmëve traseologjike; 6. Kategorizimi juridik i dëmtimeve trupore.