Sipas filozofisë së kursit, e folura në publik përfshin aftësi të cilat mund të mësohen. Në kurs do të flitet për artin e të folurit në publik dhe do të analizohen të gjithë faktorët që ndikojnë në përgatitjen dhe mbajtjen e një fjalimi të mirë para publikut. Të folurit në publik përfshin çdo lloj komunikimi që ndodh para një grupi njerëzish ose një audience më të gjerë. Që një komunikim i tillë të jetë efikas, duhen njohur mirë elementet që përfshihen gjatë një ndërveprimi të tillë. Analiza e audiencës, puna kërkimore paraprake, zgjedhja e temës, hartimi i fjalimit në mënyrë të strukturuar, mposhtja e etheve të skenës dhe arti i të bindurit janë disa nga çështjet që do të trajtojmë së bashku.

Në fund të kursit, studenti do të jetë më i familjarizuar me paraqitjen e një ligjërate të mirëargumentuar dhe mirëprezantuar, të përshtatshme me situatën përkatëse. Për të bërë këtë, do të përqëndrohet në disa aspekte: - çfarë do të thotë të jesh një folës dhe dëgjues etik i mesazheve; - identifikimi i elementeve qëndrore për një mesazh logjik dhe të mirëorganizuar; - identifikimi dhe prezantimi i llojeve të ndryshme të ligjëratave.