"Bazat e Semiotikës dhe ligjet e saj» paraqet interes në lidhje me atë, që gjithçka që na rrethon janë shenja specifike: dukuritë e natyrës, programet kompjuterke, piktura, muzika dhe, sigurisht, gjuha, si në nivelin artistike, ashtu dhe në gjendjen e saj të natyrshme. Njeriu jeton në botën e shenjave, përdor shenjat dhe në situata të caktuara vetë përfaqëson një shenjë. Të ecurit e njeriut, veçantia e figurës së tij, timbri i zërit, forma e qethjes - ja pra një komplet i plotë shenjash, sipas të cilave ne ia qëllojmë mënjëherë një të njohuri. Shkenca që merret me studimin dhe interpretimin e shenjave dhe sistemeve shenjore, të krijuara me bazën e tyre, quhet Semiotikë. Sistemi shenjor - është një sistem, që transmeton një informacion, të ndryshëm nga energjia. Ai ekziston objektivisht, pavarësisht nga vëzhguesi. Një prej sistemeve më të rëndësishme të sistemit shenjor, të krijuar prej njeriut është gjuha natyrale, ose gjuha e folur. Ndërkaq Semiotika, si shkenca e përgjithshme mbi shenjat, merret me studimin jo vetë të gjuhëve natyrale. Në orbitën e saj përfshihen dukuri të tilla të kulturës, si kinemaja, teatri, piktura dhe arkitektura. Përderisa shenja është bartëse e informacionit, semiotika ka një domethënie të madhe aplikative gjatë studimit dhe projektimit të sistemit shenjor, të shfrytëzuar në procesin e transmetimit dhe përpunimit të informacionit. Përpunimet aplikative shkojnë sipas dy drejtimeve themelore. I pari është krijimi i gjuhëve artificiale, që mundësojnë lehtë të algoritmosh proceset e përpunimit të informacionit si për shembull, të gjuhëve të programimit, gjuhëve të indeksimit të dokumentave etj.). Drejtimi i dytë është krijimi i algoritmeve, që lehtësojnë përpunimin e teksteve në gjuhën natyrale (përkthimi kompjuterik, indeksimi dhe referencat automatike, përkthimi nga gjuha natyrale në gjuhën formale etj.). Së këndejmi mund të nxjerrim një konkluzion, që shkenca e Semiotikës është kyçe dhe aktuale në të gjitha proceset e komunikimit. Kursi i leksioneve "Bazat e semiotikës" i kushtohet ligjeve themelore të kësaj shkence relativisht të re mbi gjuhën dhe shenjat në shembullin e sistemeve të ndryshme shenjore, duke sjelle ilustrime të analizave nga rrafshet krahasuese, dhe po ashtu, duke studiuar natyrën e veçantë të shenjave dhe funksionimin e tyre në jetën e njerëzve. Së këndejmi, në cilësinë e objektit të kësaj lënde janë drejtpërdrejtë shenjat. Objet i leksioneve është funksionimi i shenjave dhe sistemeve shenjore në jetën e njerëzve dhe në gjuhë, si mjet bazë për përcjelljen e kuptimit, të cilat ekzistojnë, duke iu bindur ligjëzive të caktuara. Problem i rëndësishëm është kufizimi i saktë i domethënies së shenjës (denotative dhe sinjifikative).

Qëllimi i këtij kursi leksionesh ka të bëjë me shqyrtimin dhe interpretimin e Semiotikës si shkenca mbi shenjat, funksionimi i isaj si një sistem unik si dhe detyrat që merr përsipër kjo shkencë në etapën bashkëkohore të zhvillimit të saj. Në akord me qëllimin e shtruar studentët do të ushtrohen në detyrat humumtuese si më poshtë: - të mësojnë qartë e vërtetueshëm shkencën e semiotikës dhe ligjësitë e saj; - të përvetësojnë historinë e zhvillimit të semiotikës në etapa të ndryshme historike; -të analizojnë tipologjinë e shenjave; - të përcaktojnë arsyet për krijimin e ligjeve semiotike; - të shqyrtojnë ligjet semiotike (pragmatika, semantika, sintaktika). Në akord me detyrat, struktura e leksioneve përfshin temat qëndrore që do të orientojnë seminaret, punimet dhe shfrytëzimin e literaturës.