Kursi “E Drejtë Biznesi” u ofron studentëve njohuritë e nevojshme rreth të drejtës dhe sistemit juridik në përgjithësi, bazuar në klimën e biznesit dhe nevojat ekonomie. Programi shpjegohet përmes njësive që kanë të bëjnë me njohuritë themelore për të drejtën dhe shtetin, subjektet dhe objektin e të drejtës së biznesit, marrëdhëniet kontraktore, të drejtën e shoqërive tregtare, bankat dhe sistemin bankar, pronësinë industriale dhe letrat me vlerë, etj. Secili kapitull specifikon dhe mbeshtet arsyen e implikimit të së drejtës në ekonomi dhe në të gjitha aktivitetet e shoqërisë ne nivel global.

Të kuptojmë të drejtën, ligjin dhe rolin rregullativ të tij në fushën e biznesit; Të jemi të aftë të identifikojmë shoqëritë tregtare, mënyrën e tyre të funksionimit dhe sfidat kryesore; Të arrijmë një kuptim të qartë të kontratave në Republikën e Shqipërisë; ndërtimit të tyre dhe parimet themelore; Të identifikojmë mënyrat e zgjidhjeve të konflikteve në Shqipëri; Analizimin e kërkesave ligjore në fushën e investimeve, taksat, punësimi I të huajve në Shqipëri.