Kursi "Praktikë Profesionale" për programin Teknologji Informacioni dhe Komunikimi (TIK) synon të ofrojë studentëve përvojë praktike në ambientet profesionale të industrisë së IT. Studentët do të angazhohen në projekte reale, duke aplikuar njohuritë e tyre teorike në fusha të ndryshme si zhvillimi i softuerëve, administrimi i rrjeteve, siguria kibernetike.

Pas përfundimit të këtij kursi, studentët do të jenë në gjendje të: Aplikojnë teoritë dhe konceptet e mësuara në klasë në ambiente të ndryshme të punës në fushën e TIK. Zhvillojnë aftësi praktike dhe teknike specifike për zhvillimin e softuerëve, administrimin e sistemeve dhe rrjeteve, sigurinë kibernetike dhe komunikimin digjital. Përmirësojnë aftësitë e tyre të komunikimit dhe bashkëpunimit në ekipe profesionale. Reflektojnë mbi përvojën e tyre praktike dhe të identifikojnë fusha për zhvillim të mëtejshëm profesional.