EMS 313- Ky kurs prezanton metodat bazike dhe të avancuara të ekonometrisë, veçanërisht lidhjen midis procedurave të vlerësimit statistikor dhe teorisë ekonomike. Metodat ekonometrike lejojnë që parashikimet e modeleve teorike të ekonomisë dhe financës të testohen empirikisht. Qëllimi kryesore i lendës është të kuptohen menyrat sesi mund të analizohen lidhjet shkakësore midis variablave ekonomike nëpërmjet procedurave ekonometrike, dhe çfarë është më kryesore, të krijohet logjika e gjykimit në mënyrë që të ndërtohen rekomandime dhe argumente të qëndrueshme.

Një objektiv i rëndësishëm i këtij kursi është të prezantojë analizën e regresionit për studentët, në mënyrë që ata të jenë në gjendje të kuptojnë aplikimet e saj në fusha të ndryshme të ekonomisë. Konkretisht, deri në përfundim të kursit, studentët do të jenë në gjendje të specifikojnë supozimet, formulojnë dhe vlerësojnë modele të përshtatshme, interpretojnë rezultatet dhe testojnë rëndësinë e tyre statistikore. Aplikimet e jetës reale analizohen përmes paketës ekonometrike STATA. Sesionet e laboratorit kanë si qëllim që studentët të praktikojnë njohuritë e tyre teorike në një qasje praktike dhe të fitojnë aftësi të reja duke implementuar të dhëna nga jeta reale. Duke përdorur teknika të tilla të avancuara në ekonometri, studentët do të jenë në gjendje të kryejnë analiza ekonomike dhe financiare në mënyrë të pavarur.