Lënda e taksimit ka për qëllim t’i njohë studentët me konceptet bazë të sistemit fiskal dhe administrimin e llojeve të ndryshme të tatimeve dhe taksave në vendin tonë, si edhe rolin e tyre në zhvillimin e ekonomisë së vendit. Në program trajtohen procedurat që ndiqen nga organet e administrimit fiskal (tatimore & doganore) për administrimin e llojeve të ndryshme të tatimeve dhe taksave, duke u fokusuar tek mënyrat e përmbushjes së detyrimit tatimor, si: vetëdeklarimi, vlerësimi tatimor dhe kontrolli tatimor. Trajtohen rastet e apelimit tatimor, hetimi tatimor dhe sanksionet në rastet e mospërmbushjes së detyrimeve tatimore. Programi i lëndës është i ndërtuar në mënyrë të tillë që studentët të bëjnë lehtësisht dallimin ndërmjet tatimeve dhe taksave, si edhe llojeve të ndryshme brenda secilës kategori. Trajtohen gjithashtu tatami mbi të ardhurat personale, tatami mbi vlerën e shtuar, taksat dhe detyrimet doganore, akcizat, sigurimet shoqërore dhe shëndetësore, taksat vendore dhe ato kombëtare në RSh.

* Të kuptojë konceptet kryesore në fushën e taksave; * Të njohë procedurat tatimore shqiptare; * Të mësojë të gjitha llojet e taksave të aplikuara në Shqipëri; * Të praktikojë çështje të ndryshme tatimore në mjedisin e biznesit.