Lënda do të trajtohet në frymën e tendencave të vërejtura për zhvillimin e funksionit të auditit dhe sfidave që paraqiten sot për këtë funksion. Fokusi do të jetë në mjedisin e sistemit të auditit dhe sistemit të kontrollit të brendshëm si edhe rolet, përgjegjësitë, metodat dhe metodologjitë, që përbëjnë një profesion modern. Trajtimi i lëndës do të jetë i orientuar drejt praktikës së auditimit, por edhe filozofisë e teorisë që drejton këtë profesion, për të treguar se përse auditimi përbën një funksion që shton vlerë në një entitet. Lënda “Auditim” do të trajtojë çështjet, që lidhen me sistemin e auditimit dhe sistemin e kontrollit të brendshëm në një organizatë. Në të trajtohen konceptet mbi auditimin dhe kontrollin e brendshëm, standardet ndërkombëtare që drejtojnë funksionin e auditit në një organizatë, auditimi i performancës, menaxhimi i performancës së programimit të auditimit, auditimi financiar, planifikimi dhe vlerësimi i riskut në programim e auditim, proceset dhe teknikat, risku dhe koncepte të riskut, risqet e teknologjisë së informacionit dhe kontrollet e tyre, mashtrimi dhe abuzimi, investigimi dhe stadet e tij, sigurimi i cilësise së shërbimit të auditimit, auditi si variabël i rëndësishëm i qeverisjes së organizatës, struktura e organizimit të funksionit, roli i komitetit të kontrollit dhe lidhjet me auditin e jashtëm. Materialet e ofruara shërbejnë si një burim edukimi për të diplomuarit. Materialet fokusohen në rolin dhe përgjegjësitë e auditit nga pikëpamja praktike, por edhe në kontekstin e qeverisjes së organizatës, menaxhimit të rrezikut dhe kontrollit. Interpretimi në praktikë i rolit të auditit ,do të varet nga perspektiva e adoptuar e auditit individual dhe mund të jetë rezultante e kombinimit të roleve të ndryshme që përfshijnë: Menaxhimi i performancës së programimit të auditimit, Auditimi i sistemeve të informacionit; Ekzaminimet dhe investigimet; Shqyrtimi i detajuar e analitik; Drejtimi i auditit dhe sigurimi i cilësisë; Qeverisja e organizatës dhe raportimi i auditit; Auditimi i pasqyrës së bilancit dhe respektimi i kuadrit ligjor e rregullativ.

Në programin e këtij moduli, studentet do të gjejnë informacionin e nevojshëm për një numër problemesh që lidhen me: 1. Hyrje në audit dhe shërbimet e sigurimit 2. Kontrolli i brendshëm 3. Standarded Ndërkombëtare në Auditim dhe kodi etikës 4. Materialiteti dhe rreziku 5. Auditimi i performancës. 6. Burimet e auditimit dhe menaxhimi i tyre 7. Planifikimi,procesi dhe përmasat e auditit 8. Standartet e raportimit te menaxhimi. Raportimi dhe ndjekja e rekomandimeve. 9. Auditimi i të ardhurave dhe shpenzimeve 10. Auditimi i sistemeve të informacionit 11. Planifikimi i auditit 12. Bashkërendimi në auditim