Lënda "Praktika Profesionale" synon të përgatisë studentët për përfshirje aktive në tregun e punës përmes përvojës praktike në institucione publike ose private. Gjatë kësaj lënde, studentët njihen me procedurat e zhvillimit të praktikës, dokumentacionin përkatës, dhe vlerësohen mbi bazën e përfshirjes, angazhimit dhe performancës së tyre në vendin e praktikës. Qëllimi është të forcohen aftësitë profesionale dhe të ndërlidhen njohuritë teorike me praktikën konkrete në fushën përkatëse.

Zbatimi i njohurive teorike të financës dhe kontabilitetit në situata reale pune. Përvetësimi i aftësive për përgatitjen dhe analizimin e pasqyrave financiare. Aftësimi për mbajtjen dhe menaxhimin e regjistrave kontabël sipas standardeve kombëtare dhe ndërkombëtare. Njohja me procedurat fiskale, tatimore dhe raportimin financiar në institucione dhe biznese. Zhvillimi i etikës profesionale dhe punës në grup në ambientin financiar-kontabël.