Kjo lëndë fokusohet në historinë e masmedias botërore – tek njerëzit, institutet dhe idetë që përshkruan të shkuarën e që do të influencojnë edhe të ardhmen. Në këtë lëndë do të trajtohen tema të ndryshme që kanë të bëjnë me historinë e medias duke përfshirë këtu ndryshimet e teknologjisë, të roleve sociale si dhe ndryshimet e strukturave të biznesit të masmedias.

Lënda synon të jap edhe disa detaje rreth kërkimeve historike në media. Studentët do të lexojnë artikuj dhe tekste të autorëve të ndryshëm, gjë që do ti ndihmojë ata që të bëjnë kërkime mbi të shkuarën duke e krahasuar me të tashmen. Një tjetër synim është edhe mësimi i vetë historisë. Historia është një mjet që të ndihmon të interpretosh jo vetëm të shkuarën, por edhe të ardhmen.