Lënda e Tipografisë synon që studentët të marrin njohuri të përgjithshme mbi një nga dukuritë e zejet më të rëndësishme të njerëzimit-Shtypshkrim. Ajo nis me historinë më të hershme të mjediseve ku shfaqen dëshmitë e saj. Ky hark historik zgjerohet gjeografikisht në hapsirë. Ajo fillon me shndërrimin e vizatimeve (ilustrimeve) në kumt-shkrime(simbole) e më pas në shkrimin zanor- alfabetik(e gërmëzuar). Përfshin ecurinë e trajtës së numrave dhe kumt-shkrimeve (simbole) të tjera në togun e dukurisë së Shtypshkrimit (Tipografisë).Vijon me fillet e Shtypshkrimit si art, tipologji dhe teknologji. Cek teknikat tradicionale të shtypshkrimit dhe ecurinë teknologjike. Përmend “gjininë femërore” të Shtypshkrimit-Letrën, shpikjen, ecurinë, standartet e peshës, përmasave, etj. Flet për rolin e ngjyrës në Tipografi. Hedh një vështrim mbi Tipografinë para dhe pas Gutenbergut. Me shembuj pamorë në foto ose video të koncepteve, trajtesave e vecorive që shoqërojnë teorinë. do të lehtësohet marrja e njohurive nga studenti Në fund të kursit, studenti do të ketë njohuri të përgjithshme mbi qëllimet dhe mundësitë e shtypshkrimit. Dhe do të jenë të aftë. Të bëjnë: -Përcaktimin e trajtës së fontit në shkueshmëri me gërmat përbërëse: -Përcaktimin e trajtës së fontit në shkueshmëri me kuptimin e përmbajtjes së shkrimit; -Përcaktimin e trajtës së një gërme në shkueshmëri me një send apo gjallesë me ngjyrim; -Përcaktimin e trajtës, madhësisë, ngjyrës së fontit në shkueshmëri me foton apo vizatimin shoqërues dhe mbi llojin e duhur të sipërfaqes, gramaturës dhe ngjyrës së një letre.

Pas përfundimit me sukses të këtij kursi, studentët do të kenë përfunduar projekte që demonstrojnë një kuptim themelor të objektivave të përcaktuara nga programi dhe universiteti: Zhvillimi i konceptit themelor të Tipografisë - zhvillimi i aftësive, kompetencave dhe këndvështrimeve specifike të nevojshme nga profesionistë të fushës që lidhen më ngushtë me këtë kurs,: Nxitja e kapaciteteve krijuese - zhvillimi i kapaciteteve krijuese (shkrim, krijim, projektim, interpretim, në Tipografi, etj.), Kërkimi dhe pranimi i vlerësimit kritik të punës tuaj dhe vlerësimi në mënyrë kritike i punës së të tjerëve me një buzëqeshje në fytyrë.