Kjo lëndë ndihmon studentët të kuptojnë çështjet e perceptimit pamor dhe sesi komunikohet saktë përmes elementëve pamorë, duke u dhënë dije teorike dhe praktike për t’i ndihmuar të kuptojnë dhe të zbatojnë në mënyrë të përgjegjshme e profesionale ato që kanë përftuar në dijet praktike. Kjo lëndë ndihmon edhe studentët e marrëdhënieve publike dhe të komunikimit të marketingut të vlerësojnë dhe t’i përdorin dijet për të përcjellë sa më mirë informacionin në të gjitha fushat e komunikimit. Lënda e Komunikimit Vizual eksploron fushat kryesore teorike në komunikimin vizual dhe paraqet metodat e hulumtimit të përdorura në mënyrat se si njerëzit e shohin dhe se si ndodh procesi i këti komunikimi vizual. Lënda do të përfshijë 12 teoritë kryesore në komunikimin vizual: estetika, perceptimi, përfaqësimi, retorika etj. Njohja me konceptet bazë teorike shtron rrugën për kuptimin dhe përvetësimin e lëndëve të tjera sipas janë ato të “Dizajnit Grafik”, “Multimedias” apo “Dizajnit të Reklamave”.

Kjo lëndë është dizajnuar për të njohur më mirë fushën dhe mjetet e elementët e komunikimit visual. Kjo lëndë do të bëjë që: -Studentët do të kuptojnë vlerën që komunikimi vizual ka në ndërtimin e një mesazhi. -Studentët do të pajisen me njohuri mbi evoluimin e mediave dhe se si ata mund të jenë konsumatorë dhe prodhues të informacionit, reklamës, marrëdhënieve me publikun dhe argëtimin. -Studentët do të mësojnë mënyrat mbi identifikimin dhe përdorimin e burimeve efektive në arritjen e qëllimeve nëpërmjet komunikimit vizual. -Studentët do të zhvillojnë vlerat e esetikës, qëndrimet profesionale dhe aftësitë personale të nevojshme për përgatijen si specialistë të multimedias dhe dizajnit grafik -Studentët do të kuptojnë vlerën që komunikimi vizual ka në ndërtimin e një mesazhi.