Semiotika e Komunikimit do të ndihmojnë në studimin semiologjik si shkencë e domethënies së ligjërimeve, kësisoj jo vetëm të shenjave gjuhësore dhe kryesisht brenda sistemit, por dhe në studimin e përdorimit të tyre në ligjërim, parë kjo si diçka e rëndësishme, veçmas kur nuk përfshihet në komunikim. Kursi i lëndës karakterizuese Semiotika e Komunikimit vë bazat që kërkon studimi i semiotikës së tekstit, që pohon se në të vërtetë me anë të këtij përcaktimi kuptohet një teori e nyjëtuar, konceptet operative të së cilës përdoren për të përshkruar organizimin e komunikimit publicistik dhe multimedial, bashkë me atë të teksteve. Të aplikosh instrumentet metodologjike në gazetari dhe komunikim multimedial, që do të jenë objekte të analizave e kompetencave semiotike, do të thotë që të zotërosh një lloj intuite, një lloj mprehtësie interpretuese, por dhe ndjeshmëri artistike. E gjitha kjo nuk do të thotë aspak se semiotika e komunikimit është tërësisht subjektive dhe arbitrare, sepse ajo synon të risë inteligibilen, përkatësinë dhe dallueshmërinë e teksteve që përcjell gjatë komunikimit me audiencën. (Me inteligibile do të kuptonim më tepër kuptueshmëri, kundër mjegullnajës së përmbajtjes, e cila vjen prej interpretimeve të shpejta intuitive). Përmes të semiotikës së komunikimit me qëndrim analitik dhe kritik synohet të ndjerët dhe të kuptuarit e mesazheve autentike, të njëmendët, të cilat jo vetëm shembëllejnë të vërteta që nuk vjetërohen, por arrijnë edhe të krijojnë të tilla.

 Të merren njohuri karakterizuese të kësaj teorie dhe praktike shkencore të nyjëtuar  Të përvetësohen konceptet operative për të hartuar dhe organizuar tekstet e mesazheve për audiencën  Studentët të mbërrijnë synimet duke zbatuar instrumente metodologjike në komunikimet, të cilat do të jenë objekte të analizave semiotike  Të rrisin aftësinë zotëruese intuitive të studentëve, atë lloj mprehtësie interpretuese dhe atë lloj mprehtësie që kërkohet në hartimin e mesazheve, por dhe në leximin e atyre të marra, që shërbejnë si model krijimi.  Të nxitet të argumentuarit e qëndrimi kritik, si dhe ndjeshmëria artistike gjatë semiotikës së komunikimit, duke shmangur mesazhet tërësisht subjektive e arbitrare. Të hiqet ‘tmerri’ që i përkap studentët duke kaluar nga e thëna në të bërë, pra nga studimi i semiotikës në komunikim te gjetja e teknikave, e gjuhës për të kapur audiencën, si dhe në analizat e mesazheve konkrete dhe të arrira, por jo vetëm.