Në këtë lëndë flitet mbi konceptet teknike të punës në ekip apo të individualizuar për realizimin e produkteve audio dhe video, editimin i audios dhe i videos për mediat tradicionale audio vizuale, apo i përshtatur për mediat sociale, ka rëndësi jetike për mesazhet që ata përçojnë tek publiku. Nëpërmjet kësaj disipline, studentët do të aftësohen me njohuri mbi rolin dhe teknikat e editimit me qëllim përfitimin e materialeve të vlefshme për transmetim. Kjo lëndë do të ofrojë njohuri të thella për teknikat dhe mjetet e editimit të materialeve audio-video, duke përfshirë software, teknika të avancuara dhe kreativitetin në krijimin e përmbajtjeve. Studentët do të mësojnë se si të punojnë me projekte të ndryshme, duke u fokusuar në përdorimin e mjeteve të editimit dhe optimizimin e përvojës audio-video.

Synimet e kësaj lëndë janë që në përfundim të saj, studentët të kenë njohuri mbi rolin, përdorimin dhe efektet e teknologjisë në proceset edituese për audion dhe videon. Të njohin përdorimin e saktë të tyre, në përshtatje me llojin e medias e të programaciont ku do të përdoren. Përvetësimi i software-ve për editim. Mësimi i teknikave të editimit audio dhe video (prerje, bashkim, përpunim). Kuputimi i proceseve të post-produksionit (miksim tingujsh, pastrim audio, përmirësim vizual). Krijimi i projekteve profesionale audio dhe video për qëllime të ndryshme. Zhvillimi i aftësive krijuese dhe artistike në montazh dhe përdorim të efekteve.