Fokusi i këtij kursi do të jetë në zhvillimin individual nga ngjizja deri në fund të adoleshencës. Si mund ti japin kuptim konfuzionit të gumëzhimës rreth tyre dhe, në vetëm dy vjet, të mësojnë qindra fjalë? Ne mund të vëzhgojmë fëmijët parashkollorë duke luajtur dhe të pyesim veten në qoftë se ata janë të rritur të vegjël, ose në qoftë se ka diçka krejtësisht të ndryshme mes fëmijërisë dhe moshës madhore. Ne vëzhgojmë gjimnazistët sesi mësojnë kalkulus, dhe të tjerët që hasin vështirësi në matematikë. Cfarë është përgjegjëse për dallimet individuale që zhvillohen mes nesh? A e konsiderojmë veten tonë të rritur për shkak të diçkaje që na drejton nga brenda, apo jemi të formuar nga forcat e jashtme si prindërit, shkollat dhe shoqëria? Në këtë kurs, do të merren njohuri rreth asaj cfarë shkenca thotë për zhvillimin dhe se si shkencëtarët i kuptojnë këto dukuri. Përpjekjet e studentëve në këtë kurs do t'i ndihmojë ata të kuptojnë fëmijët në mënyra të ndryshme dhe të përgatiten për të studiuar zhvillimin shkencërisht.

Qëllimi është për të ndihmuar studentët: - Të fitojnë njohuri fizike, njohëse, emocionale, sociale, të qenieve njerëzore - Të integrojnë eksperiencat e tyre personale dhe vëzhgimet e zhvillimit njerëzor me përmbajtjen e këtij kursi dhe të bëjë lidhje të dobishme me arsimin - Të mësojnë në lidhje me teoritë dhe praktikat kërkimore të psikologjisë së zhvillimit - Të bëjnë vlerësimin kritik të hulumtimit në psikologjinë e zhvillimit të cilat ata mund t’i aplikojnë në disiplinat e tjera - Të integrojnë parimet e psikologjisë së zhvillimit në jetën e tyre profesionale