Procedura Penale e Avancuar do të ketë si pikësynim një njohje me të hollësishme të parimeve dhe dispozitave të K.Pr.Penale. Kjo njohje do të mbështetet jo vetëm në trajtimin teorik të tyre por në mënyrë të vecantë duke u konkretizuar në studimin dhe diskutimin e vendimeve të Gjykatave Shqiptare për cdo parim apo dispozitë të trajtuar gjatë leksioneve. Studentët do të kenë mundësinë që të shohin, dikutojnë dhe madje të arsyetojnë rreth këtyre vendimeve dhe nëpërmjet tyre edhe për parimet dhe dispozitat e sanksionuara në K.Pr.Penale.

Objektivi kryesor është që në mbarim të ciklit të leksioneve studenti të ketë një infomacion të gjerë jo vetëm teorik por edhe të kuptojë se si në mënyrë praktike gjejnë zbatim parimet e sanksionuara në K.Pr.Penale. Studenti do të jetë i aftë të përgatisë aktet proceduriale të ndryshme, të interpretojë dhe të shpjegojë dispozitat e K.Pr.Penale si dhe të japë zgjidhjen apo vlerësimin e tij për problemte proceduriale të hasura dhe mënyrën e zgjidhjes së një çështje penale.