Lënda Krimi Financiar dhe Kibernetik studion drejtimet kryesore të zhvillimit të krimit financiar në vendin tonë si dhe zhvillon më tej njohuritë e studentëve në lidhje me problematikat bashkëkohore të aplikimit të përgjegjësisë penale ndaj formave të krimit kibernetik. Kjo lëndë do të trajtojë çështjet ligjore që ngrihen për diskutim në praktikën e organeve të drejtësisë penale dhe punonjësve të agjensive ligjzbatuese gjatë përballjes së tyre me forma të ndryshme të krimit financiar apo kibernetik. Vëmëndje e veçantë i është kushtuar paraqitjes së teknikave specifike për identifikimin dhe hetimin e krimit kompjuterik. Transmetimi i dijeve bëhet në mënyrë graduale nëpërmjet shpjegimit të koncepteve thelbësore, përcjelljes së njohurive teorike dhe referimit në dispozitat ligjore të zbatueshme ndaj veprimeve kriminale në fjalë.

Lënda synon që studentët të identifikojnë dhe shpjegojnë saktë ligjin e pastrimit të parave. Të kuptojnë se si ndikojnë krimet financjare në punën dhe përgjegjësitë e individëve. Qëllimi i kësaj lënde është të zhvillojë metodologji në analizimin dhe dokumentimin e krimeve kibernetike. Lënda ofron mbulim edhe të tematikave të tilla siҫ janë shkelja e pronësisë intelektuale, rreziqet e sigurisë , krimin në internet , vjedhjet e identitetit, survejimi i punonjësve, privatësinë dhe pajtimin. Gjatë analizimit të këtyre temave studenti do të fitojë aftësi vendim marrjeje për menaxherët e bizneseve dhe profesionistëve.