Në këtë lëndë parashikohet që analiza e dukurive leksikore të bëhet jo vetëm në rrafshin teorik, por edhe nëpërmjet ilustrimeve e ushtrimeve sistematike për çdo temë, duke bërë të mundur që të dalin më mirë në pah mundësitë e përdorimit të shtresave të ndryshme leksikore, përkatësisht fjalëve shumëkuptimëshe, sinonimeve, leksikut libror e bisedor, njësive frazeologjike, etj..

- Të pajisë studentin me njohuri leksiko-frazeologjike të Gjuhës, si dhe të ndihmojë në aftësimin e tyre për përdorimin e drejtë të mjeteve leksikore të shprehjes - Të mundësojë aftësimin e studentit që të shtjellojë të gjitha konceptet themelore të studimit leksikologjik - Të mundësojë aftësimin e studentit për të analizuar çështjet kryesore që lidhen me teorinë e fjalës, si dhe nocionet e kategoritë bazë të leksikologjisë, si shumëkuptueshmëria e fjalës, homonimia, sinonimia, antonimia