Ky kurs do të studiojë influencën e shkencës dhe fantazisë si një shprehje e letërsisë dhe krahasimin e tyre me sensin tonë të realitetit. Letërsia shkencore dhe fantastike do të shqyrtohet si një formë e narrativës njerëzore dhe kozmike. Duke qenë se letërsia fantastiko shkencore është një zhanër që ka në thelb imagjinatën ( të tilla si vende futuriste, ngjarje, kohë, shkencë, hapsirë, udhëtim në kohë, jetë dhe universe paralele, teknologji, jashtëtokësor etj.) do të jetë shumë interesante për studentët që të zhvillojnë dijet e tyre. Në këtë kurs do të eksplorohen rezultatet dhe rrjedhojat potenciale të shpikjeve shkencore dhe ideve të reja, ashtu siç quhet edhe letërsia fantastiko shkencore” letërsia e ideve” Autorët, shpesh e përdorin letërsinë fantastiko shkencore si një kornizë për të eksploruar politikën, identitetin, dëshirën, pasionin, vdekjen, strukturën sociale, si dhe tema të tjera letrare; si e tillë do të jetë një sfidë e madhe për studentët e këtij kursi që të studiojnë të gjitha këto këndvështrime.

Objektivat kryesore të këtij kursi janë: 1. Studentët dinë më shumë rreth letërsisë fantastiko shkencore dhe aftësohen në zhvillimin e mendimit kritik në temat që do të zhvillohen në këtë kurs. 2. Studentët do të investigojnë natyrën e teksteve fantastiko shkencore duke u kërkuar përgjigje pyetjeve si: në ç'mënyrë kjo lloj letërsie ndihmon të shpjegojmë botën në të cilën jetojmë? Si është lidhja e këtyre teksteve me botën e sotme dhe atë në të ardhmen? 3. Studentët do të mund të dallojnë temat që kanë të bëjnë me letërsinë fantastiko shkencore dhe se si funksionojnë brenda këtij zhanri.