Sjellja organizative ka të bëjë me studimin e sjelljes njerëzore në punë. Ajo është fusha e studimit që hulumton ndikimin që kanë individët, grupet dhe strukturat mbi sjelljen brenda organizatës. Sjellja organizative është studimi dhe zbatimi i njohurive për mënyrën se si veprojnë punonjësit brenda organizatës. Si fushë, ajo zbatohet gjerësisht në sjelljen e punonjësve në të gjitha llojet e organizatave, si biznesi, qeveria, shkollat etj. Ajo mbulon tre përcaktues të sjelljes në organizata: individët, grupet dhe strukturën bazuar në disa qasje themelore të sjelljes organizative. Sjellja organizative është një fushë e aplikuar ku zbatohen njohuritë e marra për individët dhe efekti i strukturës në sjellje, që organizatat të punojnë në mënyrë sa më efektive. Temat kryesore që do të trajtohen në këtë kurs janë në lidhje me motivimin, sjelljen dhe fuqinë e lidershipit, komunikimin ndërpersonal, struktura dhe procesi i grupit, procesi i të nxënit, zhvillimi dhe perceptimi i qëndrimit, procesi i ndryshimit, konflikti, dizajni i punës dhe stresi i punës