Lënda ofron njohuri të mjaftueshme teorike në fushën e komunikimit të biznesit, në kushtet e ekonomisë së tregut. Trajton parimet, aftësitë dhe kompetencat që u mundësojnë studentëve të ndjekin dhe pasurojnë karrierën e tyre profesionale. Lënda synon t'i pajisë studentët me njohuri bashkëkohore në fushën e komunikimit të biznesit. Përmirësimi i strategjive të komunikimit dhe aftësimi në përdorimin e mjeteve të duhura të komunikimit do të rrisë efektivitetin e aktiviteteve organizative. Lënda ndihmon në realizimin e një statusi të ri të elitave organizative, në kushtet e reja ekonomike dhe sociale.

Në fund të këtij moduli, studenti pritet të arrijë këto rezultate mësimore: - Përfitimi nga njohuritë bashkëkohore mbi komunikimin organizativ; - Studenti njeh dhe zbaton parimet e komunikimit efektiv për të menaxhuar me sukses njësitë e biznesit dhe zgjidhjen e problemeve të tyre; - Studenti përmirëson aftësinë e të shkruarit, të folurit dhe komunikimit elektronik në organizata; - Aftësi për planifikimin e karrierës; - Studenti mëson dhe shfaq sjellje etike komunikuese në vendin e punës; - Studenti vlerëson rëndësinë e komunikimit global, mëson dhe shfaq sjellje komunikuese ndërkulturore.