Kontabiliteti Drejtimit është një nënfushë e kontabilitetit që ka të bëjë me informacionin e nevojshëm për të planifikuar dhe kontrolluar në mënyrë efektive operacionet e kompanisë dhe për të marrë vendime të mira biznesi. Kontabiliteti menaxherial është gjuha e brendshme e një kompanie dhe përdoret për vendimmarrje, menaxhim të prodhimit, dizajnimin e produktit dhe çmimet dhe për motivimin dhe vlerësimin e punonjësve. Pjesa e parë e lëndës paraqet metoda alternative të përgatitjes së informacionit të kontabilitetit menaxherial, dhe pjesa tjetër e kursit shqyrton se si këto metoda përdoren nga kompanitë. Ajo që mësohet në këtë kurs do të ndihmojë në kuptimin e operacioneve të kompanive për të cilat do të punojnë në të ardhmen dhe do të mundësojë studentët që të jenë më të suksesshëm në punë.

Ky kurs i njeh studentët me parimet e Kontabilitetit te Drejtimit- përdorimin e brendshëm të informacionit të kontabilitetit për të menaxhuar firmat moderne, duke përfshirë planifikimin, analizën dhe vendimmarrjen. Objektivi parësor i këtij kursi është t'i pajisë ata me njohuri dhe aftësi për të përgatitur, kuptuar, vlerësuar dhe ekzekutuar raporte financiare dhe jofinanciare të përdorura në biznese. Qëllimi kryesor është të formohen studentët të bëhen menaxherë më të mirë, jo thjesht të identifikojnë problemet, por edhe të gjejnë zgjidhjet e duhura.