Komunikimi masiv përfshin shpërndarjen e gjerë të informacionit pak a shumë në të njëjtën kohë për audienca të mëdha. Ky kurs trajton natyrën themelore të komunikimit masiv, organizatat dhe mjetet që e krijojnë atë, media dhe mjetet me të cilin ka të bëjë si dhe audienca që e përdor atë. Është një kurs prezantues për mjetet e komunikimit masiv, karakteristikat dalluese, disa teori mbizotëruese të komunikimit, çështje të organizimit nga aspekti i pronësisë, teknologjia moderne, etj. Në këtë kurs do të analizohen mënyrat se si media të veçanta si gazetat, librat, radio, TV dhe mediat e reja ndihmojnë në formimin e realitetit shoqëror. Në mënyrë të veçantë do të analizohen teknikat e opinion-bërjes nërmjet mjetet e komunikimit masiv. Një rëndësi e veçantë do t’i kushtohet audiencës, përfshirjes dhe ndikimit të saj në mjetet e komunikimit masiv.

Kjo lëndë do të ndihmojë studentët që: - të kuptojnë vlerën që komunikimi dhe veçanërisht gazetaria ka nëndërtimin e një shoqërie të lirë. - të pajisen me njohuri mbi evoluimin e mediave dhe se si ata mund të jenë konsumatorë dhe prodhues të informacionit, reklamës, marrëdhënieve me publikun dhe argëtimit. - të mësojnë mënyrat mbi identifikimin dhe përdorimin e burimeve cilësore të gazetarisë në mënyrë që të jenë të mirëinformuar. - të zhvillojnë vlerat e etikës, qëndrimet profesionale dhe aftësitë personale të nevojshme për përgatitjen e tyre si specialist të komunikimit