Lënda e Mësimit të Anglishtes përmes poezisë dhe dramës ka dy synime kryesore: të nxisë pëlqimin e letërsisë në anglisht të llojeve të ndryshme dhe të kulturave të ndryshme si dhe të zhvillojë aftësitë kryesore që nevojiten për të lexuar, analizuar dhe komunikuar në mënyrë të duhur në gjuhën angleze si në të shkruar ashtu dhe në të lexuar. Duke studiuar një shumëllojshmëri tekstesh, studentët mësojnë më shumë rreth përzgjedhjeve strukturore dhe gjuhësore të autorëve si dhe zhvillojnë aftësitë e tyre për të krijuar mendime personale rreth asaj që lexojnë. Për rrjedhojë, studentët do të përmirësojnë njohuritë rreth gjuhës dhe përdorimit të saj/ Lënda gjithashtu do të përmirësojë aftësitë gjuhësore të studentëve dhe do të zgjerojë vetëdijen e tyre ndaj përdorimit të gjuhës.

Lënda synon : - Të nxisë dashurinë dhe vlerësimin për letërsinë dhe leximin në gjuhën angleze - Tu japë studentëve aftësi që do tu duhen në të ardhmen duke perfshirë këtu aftësitë e të shkruarit qartë dhe në mënyrë bindëse, tu zhvillojë aftësitë në dhenien e argumentave: aftësitë në kërkimin dhe menaxhimin e informacionit si dhe aftësitë për te analizuar tekste komplekse në forma dhe stile të ndryshme. - Tu prezantojë studentëve parimet dhe njohuritë bazë rreth poezisë dhe dramës dhe të përmirësojë njohuritë e tyre në këto fusha. - Ti bëjë studentët më aktivë në marrjen e informacionit rreth kulturave dhe historive të vëndeve të ndryshme si parashtrohen në tekste. -të përmirësojë njohuritë gjuhësore të studentëve duke analizuar fjalë dhe shprehje të caktuara sic parashtrohen në poezitë apo dramat e përzgjedhura duke reflektuar në paraqitjen letrare dhe gjuhësore.