Lënda synon të prezantojë studentët me njohuri mbi zhanret kryesore letrare të letërsisë Britanike dhe Amerikane të tilla si proza letrare, poezia dhe drama dhe trajton marrëdhëniet në mes gjuhës dhe përvojës estetike. Nga pikëpamja e zhvillimit të aftësive praktike dhe tejknike ,veprat letrare si burime parësore do të shërbejnë si bazë për studimin e mënyrave në të cilat shkrimtarët përdorin gjuhën për të krijuar shprehje estetike të cilat pasqyrojnë përvojat e shqisave, emocionet, intelektin dhe imagjinatën, si dhe mënyrat në të cilat vetë përvoja njerëzore formësohet dhe përcillet nepërmjet gjuhës. Në këtë kurs analizohen konteksti kulturor, karakteret dhe stili i autorit duke përfshirë kontekstin letrar dhe kulturor të krijimtarisë së tij

Qëllimi i këtij kursi është të ndërgjegjësojë nxënësit për cilësitë estetike dhe potencialin e të shprehurit që përcillet me anë të gjuhës angleze dhe për të zhdërvjelltësuar studentët të flasin rreth mënyrave të të ndryshme me anë të të cilave shkrimtarët kanë përcjellë krijimtarinë e tyre me anë të zhanreve letrare. Në përfundim të këtij kursi do të jenë aftësuar • për të kuptuar mënyrat në të cilat shkrimtarët përdorin zhanret e dnryshme letrare si tekste përfaqësuese të periudhave të ndryshme • për të analizuar dhe vlerësuar veprat e letërsisë bazuar në të kuptuarit e tyre të gjuhës letrare dhe forma të zhanreve; • për të interpretuar dhe vlerësuar veprat letrare, duke përdorur dëshmi tekstuale për të mbështetur idetë e tyre, si në diskutimet me gojë në klasë dhe eseve të shkruara kritike.