Ky kurs është konceptuar si diskutim miqësor me studentët e dramës që janë të interesuar gjithashtu në tekstin dramatik. Gjithësesi, leksionet janë bërë në bazën e disa studimeve dhe interpretimeve të mëparshme, mbi të cilat do të mundohem të sjell argumentimet e mia të gjëra të evidentuara edhe në tekstin dramatik gjithashtu. Teatri dhe drama kanë gjeneruar në mënyrë marramendëse letërsinë ndërkombëtare, shkrimet dokumentare gjithashtu; duke u përplasur me forcë me bindje e ideologji të ndryshme, inovacione dhe eksperimente teknologjike dhe përtej qëllimit të këtij kursi, lexuesi i zellshëm arrin të gjejë burime të shumta për të përmbushur etjen e tij profesionale.

Objektivat e këtij kursi janë: 1. Studentët zgjerojnë dhe pasurojnë njohuritë e tyre rreth llojeve të ndryshme të teatrit. Historia dhe zhvillimi i tij. 2. Të afrojë studentët me tekstin dramatik pasi edhe pjesët e leksionit janë të orientuara nga teksti. 3. Objektiv i rëndësishëm është të bëjë studentët të kuptojnë impaktin që ka patur drama ndër shekuj, me theksin tek aspekti kulturor dhe ideologjik, rrethana nga vetë të cilat drama ngrihet. 4. Studentët gjithashtu kuptojnë edhe “Supertekstin” që drama mbart së bashku me implikimet kulturore mbi të cilat vendoset teksti, i cili e ndriçon atë dhe të cilit vetë drama ia kthen kontributin.