Kjo seri e re e leksioneve i ofron studentëve njohuri të plota dhe të qarta të periudhave dhe lëvizjeve letrare dhe në disa raste, autorë dhe zhanre që nga periudha Anglo-Saksone deri tek ajo Postmoderne. Ne ditët e sotme, studenti i letërsisë përballet me disa teori që fokusohen tek teksti letrar, tekstualiteti, gjuha, zhanri, procesi i te lexuarit, konteksti social, historik dhe kulturor, seksualiteti dhe çështjet gjinore, psikologjinë e personazhit, dhe me qëllimin e autorit. Teksti që ofrohet është hartuar në mënyrë të tillë që lehtësojë këtë proçes duke i ofruar studentëve informacionin bazë të teorive më të rëndësishme, praktikuesit e tyre dhe tekstet përkatëse relevante.

Studentët do të marrin parimet teorike dhe konceptet që formojnë bazat e metodave praktike dhe strategjitë që përdoren në kritikën letrare. Kursi tenton të shpjegojë parimet e rrymave kryesore teorike – Marksizmin, Strukturalizmin, Poststrukturalizmin, Feminizmin, Studimet Kulturore, Historicizmin e Ri e kështu me rradhë. Studentët e teorive letrare dhe të kritikës së saj mund të vërejnë një çarje në zhvillimin historik të fundshekullit të njëzetë mes teorive me bazë tekstuale si pë shembull Kritikët e Rinj, Strukturalizmi dhe Poststrukturalizmi, dhe teorive me bazë historike siç janë Marksizmi, Feminizmi, Historicizmi i Ri dhe Postkolonizmi.